Ambasada e Serbisë në Shkup ka reaguar ndaj deklarimeve që ka bërë zëvendëskryeministri dhe ministri shqiptar i Qeverisë së Maqedonisë së Veriut, Arben Fetai, lidhur me 26 vjetorin e bombardimeve të NATO-s.
Në këtë reagim, Ambasada e Serbisë tregon se i ka penguar përshkrimi që Fetai i ka bërë bombardimit të caqeve ushtarake të Serbisë që atë kohë ishte nën regjimin kriminal të Sllobodan Millosheviqit, duke e cilësuar si moment historik që ka shtruar rrugën për paqe dhe stabilitet në rajon dhe si veprim që ka ndalur gjenocidin.