Një fotografi e një vajze të re me një fustan të gjelbër në një det të mbushur me mbeturina është fituesja e çmimeve Mangrove Photography 2024 .
E realizuar nga fotografi indian Supratim Bhattacharjee, ajo tregon pasojat e një cikloni në Sundarbans, një pyll i madh mangrove që shtrihet në deltën e lumenjve Gange, Brahmaputra dhe Meghna në Gjirin e Bengalit.
Moti ekstrem po bëhet gjithnjë e më i shpeshtë në rajon, duke çuar në shkatërrimin e shtëpive dhe bizneseve dhe zhvendosjen masive të njerëzve.
Në këtë rast, vendi ku jeton vajza u shkatërrua nga stuhia.
“Ne e shohim jetën e vajzës të kthehet përmbys … pamja e saj pasqyron trazirat e jetës për shumë njerëz në bregun jugor të Sundarbans në Indi”, tha për CNN Leo Thom, themeluesi i Mangrove Photography Awards dhe drejtor kreativ i Mangrove Action Project.
“Ndërsa nivelet e detit ngrihen dhe stuhitë shpërthejnë argjinaturat mbrojtëse, toka e tyre përmbytet me ujë të kripur nga deti, duke e bërë të pamundur rritjen e të korrave për vitet në vijim”, shtoi ai.
