Ish-ushtarët e Ushtrisë Çlirimtare të Kosovës (UÇK), Dan Llapi, Avni Zeqiri dhe Milazim Gashi, ishin të ftuarit e kësaj jave në emisionin “Kojshia Show”, ku përmes dëshmive të fuqishme zbuluan tmerret e përjetuara nga paramilitarët serbë gjatë luftës dhe përcollën një mesazh prekës për të gjithë shqiptarët.
Me lot në sy, ish-luftëtarët rikthyen në kujtesë periudhën e errët të përballjes me forcat serbe, duke zbardhur detaje nga sakrificat dhe vuajtjet e tyre në front. Përtej përjetimeve dramatike, rrëfimi i tyre u përmbyll me një lutje të vetme drejtuar opinionit publik.
”Mos e shani UÇK-në, aman!”, u shpreh me emocione të thella Milazim Gashi, duke bërë thirrje që vlera e luftës çlirimtare dhe memoria e dëshmorëve të ruhen me respekt nga çdo shqiptar.
Dëshmitë e ish-ushtarëve ngjallën emocione të shumta te publiku. Për të ndjekur rrëfimin e tyre të plotë dhe mesazhin e ish-luftëtarëve, shikoni emisionin në vijim.