Nëse keni vizituar Athinën apo ndonjë muze me art klasik grek, mund të keni vënë re diçka të çuditshme: pavarësisht trupave muskulorë dhe të skalitur me kujdes, shumica e statujave të perëndive dhe heronjve grekë paraqiten me organe gjenitale të vogla, shkruan Korrespodenti.
Shembuj si statuja e famshme e Poseidonit (ose Zeusit) nga viti 46 p.K., e ekspozuar në Muzeun Arkeologjik Kombëtar në Athinë, tregojnë se në artin antik nuk ishte e nevojshme një përmasë e madhe për të simbolizuar forcë ose heroizëm.
Historianët shpjegojnë se rreth shekullit IV p.K., në kulturën greke madhësia e vogël e organeve gjenitale konsiderohej simbol i pastërtisë, vetëpërmbajtjes dhe fuqisë intelektuale. Skulptorët e asaj kohe besonin se burrat e mëdhenj ishin ata që kishin mendje të gjerë dhe impulse të kontrolluara, jo ata që udhëhiqeshin nga dëshirat trupore.
Sipas Cosmopolitan, kjo filozofi artistike shpjegon pse burrat e fuqishëm në statuja paraqiten me organe të vogla, ndërsa personazhet e shthurur e të dhunshëm shpesh afishoheshin me përmasa të mëdha dhe ereksion, si simbol i humbjes së kontrollit dhe mungesës së arsyes. Një përjashtim i famshëm ishte perëndia e pjellorisë, Priaposi, i njohur për përmasat e tij të mëdha në artin e kohës.
Me kalimin e shekujve, perceptimi i shoqërisë për madhësinë e organeve gjenitale mashkullore ka ndryshuar. Sot, për shumë njerëz, përmasat e mëdha shihen si shenjë maskuliniteti dhe suksesi, duke e përmbysur plotësisht simbolikën e lashtë.
Një studim i Universitetit Stanford, publikuar në vitin 2023 në World Journal of Men’s Health, zbuloi se madhësia mesatare e organeve mashkullore është rritur me rreth 24% në disa rajone të botës gjatë 30 viteve të fundit. /Korrespodenti