13.4 C
Pristina
E shtunë, 15 Qershor, 2024

Plas sherri në Mitrovicë, arrestohen pesë persona

Një konflikt verbal mes disa personave eskaloi sot në rrugën “Azem Galica” në Mitrovicë, ku u ekspozuan edhe armët e zjarrit. Policia ka intervenuar dhe ka arrestuar pesë të dyshuarit dhe dy prej tyre tashmë ndodhen në ndalim policor, raporton Gazeta Sinjali.

Sipas Policisë, dy të dyshuar për ‘Sulm ndaj personit zyrtar’ dhe ‘Armëmbajtje pa leje’ janë dërguar në mbajtje, ndërsa në cilësi të provave materiale janë konfiskuar tri armë të llojit pistoleta dhe mbi 30 fishekë.

“Sot, me datën 06 mars 2024, rreth orë 09:25, policia në Mitrovicën Jugut, ka pranuar informatën për një mos marrëveshje ndërmjet disa personave e ndodhur në rrugën “Azem Galica” në Mitrovicë.

Lidhur me rastin janë ndërmarrë veprime policore, ku janë arrestuar pesë persona të dyshuar për përfshirje në mosmarrëveshje.

Rrjedha hetimore ka rezultuar në dyshime të bazuara se në rast ishin ekspozuar edhe armë zjarri. Në cilësi të provave materiale janë konfiskuar tri armë të llojit pistoleta dhe ( 31) fishek.

Pas intervistimit, të dyshuarit A .A., 66 vjeçar, për veprën penale , “Mbajtje në pronësi, kontrolle ose posedim i paautorizuar i armëve” me aktvendim të prokurorit i është caktuar masa e ndalimit policor.

Ndalimi policor i është caktuar edhe të dyshuarit L. Xh., 33 vjeçar, për veprën penale “Sulm ndaj personit zyrtar”.

Ndërsa tre nga të dyshuarit tjerë pas intervistimit janë liruar në procedurë të rregullt.” – ka njoftuar Policia.

PUBLIKIMET E FUNDIT

TË NGJASHME

LEAVE A REPLY

Please enter your comment!
Please enter your name here

Verified by MonsterInsights