Tre persona kanë mbetur të plagosur mbrëmë në Pejë pas një përleshje që ndodhi në afërsi të një furre në këtë qytet. Për motive akoma të panjohura, viktimat, babai me dy djemtë u qëlluan me armë zjarri.
Sot Policia e Kosovë ka arritur ta lokalizojë të dyshuarin Agron Gashi dhe ta arrestojë atë, ku tashmë i është caktuar edhe masa e ndalimit policor për 48 orë.
Sinjali ka mësuar njëri nga të plagosurit nga të shtënat me armë gjatë natës së mbrëmshme në Pejë, është pjesëtar i Forcës së Sigurisë së Kosovës.
Lajmin e ka konfirmuar edhe zëdhënësi i FSK-së, Ibrahim Shala ku tha se i plagosuri Jetnis Berisha është pjesëtar i Policisë së Kosovës.
”E konfirmojmë se personi me iniciale J.B është pjesëtar i FSK-së”, tha Shala për Sinjalin.
Kujtojmë se tre personat e plagosur mbrëmë janë dërguar në Qendrën Klinike Universitare për trajtim dhe sipas informacioneve njëri prej tyre është në gjendje të rëndë.
Viktimat fillimisht janë dërguar në Spitalin Rajonal të Pejës, por si pasojë e gjendjes së tyre, janë transferuar për në QKUK.
Sinjali ka mësuar se personi që ndodhet në gjendje të rëndë, ka plagë në regjionin e qafës dhe gjoksit.
