Një rast i rëndë ka ndodhur sot në Prishtinë, ku një i ri është gjetur pa shenja jete në afërsi të një objekti banesor dhe sipas informacioneve të para dyshohet për vetëvrasje, raporton Gazeta Sinjali.
Kështu ka bërë me dije një sinjalizues i Sinjalit, i cili tha se personi që dyshohet se i dha fund jetës është Qazim Alaj, 36-vjeçar nga Deçani – vdekjen e të cilit e ka konfirmuar ekipi mjekësor në vendin e ngjarjes.
Alaj ka pasur pozitën e shefit të Teknologjisë në portalin “Shqip.com”.
Ndryshe, në vendin e ngjarjen kanë dalë edhe njësitet policore, me ç’rast janë kryer ekzaminimet e nevojshme, teksa trupi i pajetë është tërhequr për t’u dërguar në IML për obduksion.