Një paciente nuk po arrin ta marrë injeksionin “Phesgo” që gjashtë javë për shkak se ka mungesë në Klinikën e Onkologjisë në ShSKUK. Edhe pse pacientës për çdo javë po i thuhet “eja javën tjetër për injeksion” megjithatë i njëjti vazhdon të mos jetë në dispozicion dhe është shumë i kushtueshëm. Për mungesën e “Phesgo”, të cilin pacientët nuk arrijnë ta përballojnë financiarisht, Gazeta Express ka kërkuar sqarim nga Ministria e Shëndetësisë, por nuk ka kthyer përgjigje.
Pacientja, tregoi në kushte anonimiteti për Gazetën Express se si pasojë e mosmarrjes së injeksionit ndodhet në gjendje jo të mirë shëndetësore.