Një avion i vogël që pësoi një avari në një prej rrotave të uljes, u detyrua ta bënte vetëm me një prej tyre dje në aeroportin e Boston, SHBA.
Avioni linjave Cape Air u ul në pistën e aeroportit vetëm me rrotën poshtë krahut të majtë duek u munduar të qëndronte në ekuilibër për sa më gjatë.
Mjeti ajror tip Cessna 402C arriti të balancohej mbi asfalt deri sa hunda e tij preku tokën dhe u anua nga e djathta, por arriti të ndalonte pa shkaktuar zjarr apo tym.
Ulje të tilla emergjence parashikohen në manual”, tha eksperti John Nance për rrjetin WCVB, duke lavdëruar aftësitë e pilotit.
Zjarrfikësat erdhën në vendngjarje për të ndihmuar pasagjerët dhe më pas një vinç ngriti avionin për ta larguar.
Pasi kuptoi problemin me rrotën e uljes, piloti kishte qarkulluar rreth një orë në ajër para se të tentonte uljen rreth orës lokale 15.15.
Piloti komercial Patrick Smith gjithashtu lavdëronte manovrën.
“Ai e dinte se çfarë e priste dhe mbajti avionin në rrotën ekzistuese sa më gjatë që mundej. Kjo nuk është e thjeshtë pasi kur humbet shpejtësinë mjeti do të anohet nga njëra anë”, tha ai për rrjetin WBZ.