Sherif Hasani, një emër i njohur në komunitetin artistik, ka kënaqësinë të njoftojë publikun dhe mediat për promovimin e projektit të tij më të ri – një këngë dedikuar Presidentit, dijetarit dhe arkitektit të shtetit të Kosovës, Dr. Ibrahim Rugova.
Ky projekt, që ka kërkuar një angazhim të gjatë dhe përkushtim të madh, u realizua me sukses falë mbështetjes së Zotit, bashkëpunëtorëve dhe miqve të z. Hasani. Në këtë ngjarje të veçantë, e cila do të mbahet më 20 korrik 2024, nga ora 11:00 në ora 13:00, në Kinema ABC, janë të ftuar të marrin pjesë të gjithë dashamirët, simpatizuesit dhe ushtarët e Presidentit Rugova.
Në promovim pritet të jenë të pranishëm një numër i madh i mediave të shkruara dhe elektronike. Të gjithë pjesëmarrësit janë të mirëpritur të sjellin flamujt Dardanë për të treguar dashurinë dhe respektin e madh për Presidentin Rugova.