Presidenti i Serbisë, Aleksandar Vuçiq ka thënë se kryeministri i Kosovës nuk do ta themelojë Asociacionin e Komunave me shumicë serbe.
Vuçiq ka thënë se Kurti e ka të lehtë që të mos e themelojë Asociacioni, pasi sipas tij kjo dëshmohet edhe nga vendimi i sotëm për heqjen e vizave.
“Kurti është i vendosur të mos e formojë Asociacionin dhe se e ka të lehtë ta bëjë këtë. Dëshmohet nga vendimi i sotëm për heqjen e vizave për qytetarët e Kosovës. Momenti në të cilin ndodh tregon se ata nuk janë të gatshëm të bëjnë presion ndaj Kurtit, por përkundrazi ta inkurajojnë atë në mos kryerjen e obligimeve të tij.” – ka thënë Vuçiq për televizion serb Happy Tv.
Presidenti serb tutje ka thënë se Serbia nuk pajtohet për hyrjen e Kosovës në OKB, dhe i njëjti ka deklaruar se nuk do ta nënshkruan kapitullin e Serbisë.
“Nuk më shkon në mendje të nënshkruaj kapitullimin e Serbisë, por duhet të dimë se cilat janë rrethanat. Nuk do të ketë kapitullim dhe dorëzim. Ua kam bërë të qartë se Serbia nuk do të pajtohet për hyrjen e Kosovës në OKB dhe nuk do ta njohë atë në asnjë mënyrë.”- tha Vuqiç.
