Të shtëna me armë zjarri janë dëgjuar sot në rrugën “Vëllezërit Gërvalla” në Pejë.
Lajmin për Gazetën Express e ka konfirmuar zëdhënësi i policisë për rajonin e Pejës, Driton Rugova.
Sot rreth orës 12:20 Policia është informuar për të shtëna me armë zjarri në rrugën ‘Vëllezërit Gërvalla’ në Pejë. Njësitet relevante të Policisë janë në vendin e ngjarjes dhe po kryejnë hetimet e nevojshme”.
Rugova tha se aktualisht “jemi në grumbullim të provave dhe informacioneve”.
Aktualisht nuk dihet nëse ka të plagosur nga këto të shtëna.