Presidenti amerikan Donald Trump mbajti një fjalim në Kongres. Ai foli për dy orë të plota. Fjalimi është fjalimi i parë kryesor i Trump që nga kthimi i tij në Shtëpinë e Bardhë. Ai foli për vendimet që kishte marrë deri më tani, për Ukrainën, doganat, emigrantët.
Trump dyfishoi tarifat për importet kineze nga 10 për qind në 20 për qind dje me urdhër ekzekutiv. Shtëpia e Bardhë e justifikon rritjen duke përmendur problemin e kontrabandës së vazhdueshme të fentanilit të prodhimit kinez në Shtetet e Bashkuara.
Në momentin që fjalimi i Donald Trump po përfundonte, ambasada kineze bëri një postim në rrjetet sociale.
“Nëse doni luftë, ne do të luftojmë deri në fund”
“Nëse lufta është ajo që dëshiron SHBA-ja – qoftë ajo një luftë tarifash, një luftë tregtare apo ndonjë lloj tjetër lufte – ne jemi të përgatitur të luftojmë deri në fund”, thuhet në postim.
If the U.S. truly wants to solve the #fentanyl issue, then the right thing to do is to consult with China by treating each other as equals.
If war is what the U.S. wants, be it a tariff war, a trade war or any other type of war, we’re ready to fight till the end. https://t.co/crPhO02fFE
— Chinese Embassy in US (@ChineseEmbinUS) March 5, 2025