“Gati sa më zuri gjumi në skenë”, Biden fajëson udhëtimet për performancën e tij në debatin presidencial

Presidenti Joe Biden ia ka lënë fajin vonesës së aeroplanit dhe udhëtimeve për performancën e dobët në debatin presidencial, duke thënë se nuk ishte “shumë një veprim i mençur” ta bëjë një “udhëtim përreth botës” përpara këtij debati.

Unë nuk e dëgjova stafin tim… dhe më pas gati sa më zuri gjumi në skenë,” tha ai.

Biden, 81 vjeç, u kthye për herë të fundit nga udhëtimi më 15 qershor, gati dy javë përpara debatit të 27 qershorit.Komentet e presidentit vijnë mes panikut brenda partisë përpara zgjedhjeve të nëntorit për gjendjen e tij mendore dhe pasi një kongresmen nga Teksasi u bë ligjvënësi i parë demokrat në detyrë që i bëri thirrje atij që të tërhiqej pas debatit.

“Unë shpresoj se ai do të marrë vendimin e dhimbshëm dhe të vështirë për t’u tërhequr”, tha përfaqësuesi Lloyd Doggett në një deklaratë të martën.

Biden u duk se po ngecte me disa përgjigje gjatë një debati me ish-presidentin Donald Trump të enjten e kaluar.

“Ky nuk është një justifikim, por një shpjegim”, tha ai në një mbledhje fondesh private në Virxhinia të martën në mbrëmje, duke iu referuar udhëtimit të tij.

Ai gjithashtu kërkoi falje për performancën e tij dhe tha se ishte “kritike” që ai të rifitonte postin, sipas ABC Neës.

Biden bëri dy udhëtime të veçanta në Europë brenda dy javësh muajin e kaluar, shkruan BBC, transmeton Gazeta Express.

Më 15 qershor, ai u shfaq në një mbledhje fondesh përkrah ish-presidentit Barack Obama pas një udhëtimi gjatë natës nga Italia. Ai u kthye në Uashington DC të nesërmen.

Zyrtarët e Shtëpisë së Bardhë kanë thënë më parë se ai po luftonte me një grip ditën e debatit.

Presidenti nuk përmendi ndonjë sëmundje në fjalët e tij të martën. Një zëdhënëse e Shtëpisë së Bardhë tha më herët gjatë ditës se ai nuk po merrte asnjë ilaç për ftohje gjatë debatit.

Biden kaloi gjithashtu gjashtë ditë në Camp David, vendstrehimi presidencial jashtë Uashington DC, duke u përgatitur për debatin e tij kundër Donald Trump.

Neë York Times, duke cituar një burim të paidentifikuar të njohur me orarin e Biden, raportoi të martën se ditët e tij fillonin në orën 11:00 në çdo mëngjes dhe se atij i jepej kohë çdo ditë për të fjetur.

Gazeta gjithashtu raportoi se ai ishte aq i lodhur nga udhëtimi i tij, saqë përgatitjet e tij për debat u ndërprenë me dy ditë për t’i dhënë kohë për të pushuar në shtëpinë e tij në plazh në Delaëare.

Zëdhënësi i tij, Andreë Bates, tha se presidenti filloi “të punojë shumë përpara” orës 11:00, pas rutinës së tij të stërvitjes, gjatë kohës së tij në Camp David.

Mosha e tij ka qenë një çështje që ziej prej kohësh këto zgjedhje, me votuesit në sondazhe të shumta që thonë se mendojnë se ai është shumë i vjetër për të qenë efektiv.

Biden është aktualisht kandidati i Partisë Demokratike për Shtëpinë e Bardhë.

Ai është zotuar të qëndrojë në garë pavarësisht performancës së debatit.

PUBLIKIMET E FUNDIT

TË NGJASHME

LEAVE A REPLY

Please enter your comment!
Please enter your name here

Verified by MonsterInsights