Deputetja e Partisë Demokratike të Kosovës, Vlora Çitaku, pas dështimit për herë të 21-të të seancës për konstituimin e Kuvendit të Kosovës, tha se kjo situatë është e papranueshme për qytetarët e vendit.
Ajo tha se qytetarët e Kosovës nuk kanë votuar për bllokadë, duke kërkuar reflektim nga partitë politike, raporton IndeksOnline.
“Qytetarët e Kosovës nuk kanë votuar për bllokadë, qytetarët kanë votuar për të ndërtuar institucione të reja të cilat do të duhej të ballafaqoheshin me sfidat e qytetarëve tanë”, ka thënë para gazetarëve Çitaku.
Ajo ka bërë thirrje për reflektim.
“Bej apel që të reflektojnë, që të ecim tutje”, tha Çitaku.