Një grua 39-vjeçare që u shpall e vdekur për më shumë se 20 minuta pas një arresti të papritur kardiak, thotë tashmë se i është dhënë një shans i dytë, pasi nuk është më i njëjti person por është e ndërgjegjësuar për gjithçka.
Lauren Canaday, nga Virginia në SHBA, tregonte se çfarë kishte ndjerë para se të risillej në jetë, gjatë një interviste me rrjetin Newsweek. “Disa njerëz thonë se vdekja është pjesë e jetës dhe për mua kjo u bë si të thuash realitet”, thotë Canaday.
Ajo ende nuk e di çfarë shkaktoi atakun kardiak, kur gjaku i ndaloi qarkullimin për 20 minuta dhe nuk merrte më frymë.
Canaday thotë se merrte tableta për të kontrolluar epilepsinë dhe ditën në fjalë kishte pësuar një nga krizat me kontraktime agresive muskujsh, shkruan rrjeti Daily Mail.
“Burri im erdhi nga korridori duke thërritur, teksa unë isha pa ndjenja në tok딑 tha Canaday për rrjetin Newsweek. Ai thirri shërbimet e emergjencës dhe nisi të kryente frymëmarrje artificiale deri në ardhjen e tyre.
Mrekullisht mjekët e ambulancës arritën të vinin në punë zemrën e saj me anë të një defibrilatori, pasi goditën Canaday katër herë me shok elektrik.
Ajo u dërgua më pas në spital ku doktorët e diagnostikuan me miokardit (inflamacion i muskujve të zemrës) që redukton aftësinë e pompimit të oksigjenit në trup, nje gjendje qe eshte shumëfishuar ndjeshëm 2-3 vitet e fundit.
Canaday shtoi se doktorët i thanë se incidenti “mund të ishte shkaktuar nga koronavirusi” por pas një jave ajo u la e lirë të dilte nga spitali dhe thotë se eksperienca i ndryshoi sjelljen.
“Ato ditë nuk kisha kujtesë afat-shkurtër, nuk dija ku isha”, thotë gruaja, teksa zhgënjyes ishte fakti që doktorët thanë se ishte e padëmtuar nga ana konjitive.
Ajo shton se kishte momente ndjesish intensive në spital, sikur po jetonte një jetë të dytë.
“Edhe tani më duket sikur kam dy ditëlindje. Në jetën time të parë isha e fortë, individualiste, egoiste. Ndërsa në këtë jetë marr shumë kënaqësi nga gjëra të vogla. Shumë gjëra si karriera e suksesi nuk kanë më rëndësi përveçse nevojave të mbijetesës, ndihma e dashuria ndaj të tjerëve”.
Canaday thotë se ka lënë tashmë punën e saj dhe po shkruan një libër kujtimesh në lidhje me sëmundjen dhe incidentin që i ndryshoi jetën.
“Tani përpiqem të eci cdo ditë, dal për shëtitje kur kam mundësi por shumicën e kohës dua qetësi, si për shembull lutje të heshtura dhe meditim”.
Canaday thotë se kërkon të ndajë me të tjerë historinë e saj pasi vitet e fundit numri i atakëve kardiakë është rritur në mënyrë të pashpjeguar, nga të cilët vetëm një mesatare prej 1 në dhjetë persona shpëtojnë gjallë. /DailyMail
