Deputetja e PDK-së, Ganimete Musliu do t’i nënshtrohet një operimi në zemër në Gjermani.
Gazeta Online Reporteri.net merr vesh se deputetja ka udhëtuar drejt Gjermanisë ku dhe do të kryejë operimin në valvulat e zemrës.
Një burim i afërt me deputeten ka thënë për Reporteri.net se një operim i tillë nuk bëhet në Kosovë, ndaj deputetja ka zgjedhur Gjermaninë.
Shërim të shpejtë Musliut i ka uruar edhe deputetja nga radhët e kësaj partie, Ariana Musliu Shoshi.
Kjo e fundit ka publkuar një fotografi së bashku me Musliun në Instagram.
“Shërim të shpejtë mikja ime Ganimete Musliu. Të presim edhe më të fortë”, ka shkruar Musliu-Shohi.
