Në këtë epokë të makinave që lëvizin shpejt, të politikës, dhe të marrëdhënieve që lëvizin edhe më shpejt, është e vështirë të dish kur, apo edhe nëse, duhet të kesh bisedën për të qenë ekskluzivë. Shumë beqarë që përdorin aplikacione takimesh janë të tmerruar se ngritja e kësaj pyetjeje shumë shpejt do të rezultojë në një tërheqje dhe refuzim shumë të shpejtë.
Nga ana tjetër, nëse nuk e bën pyetjen, mund të jesh duke supozuar një lidhje dhe besnikëri që nuk ekziston. Kjo është veçanërisht e rëndësishme në një mjedis ku gjetja e dikujt të ri mund të jetë po aq e thjeshtë sa rrëshqitja majtas në një aplikacion.
Para epokës së telefonit inteligjent, njerëzit mund të kenë qenë më të gatshëm të prisnin më gjatë dhe t’u jepnin më shumë shanse partnerëve të takimeve. Nuk ishte aq e lehtë të takoje njerëz jashtë klubeve. Kështu, mund të kishe një shans që t’i rriteshe dikujt në zemër.
Por tani, në epokën aktuale, një gabim i vogël ose një takim i keq mund të rezultojë që personi tjetër të hedhë sërish grepin në pellg për të kapur një peshk tjetër… Është thjesht shumë e lehtë. Kjo e bën edhe më të rëndësishme të dish kur dhe si të kesh bisedën për takime ekskluzive.
Mos bëni supozime.
Nëse nuk keni një bisedë të drejtpërdrejtë dhe nuk merrni një përgjigje pohuese, nuk mund të supozoni se partneri juaj i takimeve nuk po takon njerëz të tjerë.
Kur pyes një klient nëse ata janë ekskluzivë me një partner takimesh, nuk është e rrallë që ata të thonë po, ose “mendoj se po,” duke shtuar sa i mrekullueshëm është personi tjetër dhe sa i ngrohtë dhe i interesuar është ndaj tyre. Por pastaj unë pyes nëse ata kanë pasur bisedën e drejtpërdrejtë dhe ata thonë jo.
Nëse nuk keni pasur bisedën e drejtpërdrejtë, atëherë nuk jeni ekskluzivë.
Është kaq e thjeshtë. Njoh burra që sillen në një mënyrë shumë të sigurt (nga pikëpamja e lidhjes) dhe janë shumë të ngrohtë dhe të dashur. Ata përkëdhelin gratë me të cilat dalin. I bëjnë romancë dhe i argëtojnë. Por, ata nuk kanë asnjë qëllim të jenë ekskluzivë me ndonjë grua të vetme. Edhe kur u thonë njerëzve se nuk duan më shumë se një gjë rastësore, njerëzit nuk duket se e besojnë dhe ndihen të tradhtuar kur personi del me dikë tjetër.
Dije pse po pyet.
Taylor Swift thotë: “Është një histori dashurie, zemër, thjesht thuaj, “Po.” Por pse do të dilje me dikë ekskluzivisht? Së pari, le të flasim për atë që nuk po bën… ti nuk po i kërkon dikujt të jetë i dashuri, e dashura, apo dashuria jote e përjetshme. Kjo është të shkosh përpara vetes. Ajo që po kërkon është mundësia t’i japësh një shans dashurisë.
Bëhu gati të përgjigjesh në pyetjen “pse”.
Pse do të donte personi tjetër ta bënte këtë? Më kujtohet si, në vitin 1997, pas dy muajsh takimi, i kërkova gruas sime të “dilnim seriozisht”. Së pari, ajo qeshi me mua dhe tha: “Njerëzit nuk flasin më kështu.” Dhe pastaj pasi unë e riformulova pyetjen si takime ekskluzive, ajo tha: “Pse do të doja ta bëja këtë?” Fatmirësisht, isha gati me një përgjigje të mirë.
”Unë jam shumë i tërhequr pas teje dhe kam ndjenja të forta. Do të doja t’i lija ato ndjenja të lirë dhe të shihja nëse do të rriteshin në dashuri. Nëse nuk ndodh, atëherë mund të ndahemi. Por, do të doja mundësinë të kuptoja.”
“Takimet ekskluzive ofrojnë njëfarë sigurie. Do të ishte budallallëk nga ana ime të lejoja veten të dashuroja dikë që nuk është, ose nuk dëshiron të jetë, ekskluziv me mua.”
“Nëse nuk dëshiron të dalësh ekskluzivisht me mua, do të vazhdoj të të takoj (në fund të fundit, kam ndjenja të forta), por do të frenoja veten dhe nuk do të lija veten të dashuroja me ty.”
Megjithëse nuk e thashë këtë pjesë të fundit, mund të dëshironi ta shtoni në varësi të temperamentit tuaj. “Lidhem me njerëzit kur bëj seks, kështu që do të frenohem me pjesën e seksit nëse nuk do të jesh ekskluziv.”
Mos ki frikë nga përgjigja.
Ti je një person me vlerë dhe meriton të trajtohesh me nder. Mos sakrifiko integritetin personal ose vetëvlerësimin tënd sepse ke frikë të lëndohesh.
Nëse personi tjetër thotë se nuk dëshiron të dalë ekskluzivisht me ty, atëherë ka shumë mundësi që do të lëndoheshe gjithsesi nëse do të vazhdoje përpara pavarësisht rrezikut. Ata do të kenë mundësinë të ndryshojnë mendje nëse vazhdon t’i takosh.
Koha dhe motivet janë gjithçka.
Mos prit derisa të dashurohesh para se të kesh bisedën. Kjo e mohon të gjithë qëllimin. Në të njëjtën kohë, nëse e ke bisedën shumë shpejt, personi tjetër mund të mendojë se po ecën shumë shpejt ose po bëhesh posesiv. Dy deri në tre muaj takime duhet të jenë një dritare e sigurt.
Duhet të dish se e pëlqen personin dhe stilin e jetës, vlerat dhe sjelljen e tij/saj aq sa mund ta shihje veten duke u dashuruar me të. Duhet të dish tashmë se ata nuk kanë asnjë “pikë të thyerjes” (deal breaker)… si (a) dëshira vs. mosdëshira për fëmijë, (b) të jesh një person i shtëpisë vs. një udhëtar aventurier, (c) të jesh abstenues vs. të duash alkoolin dhe substancat, etj., etj.
Duhet të bësh një listë të pikave të tua të thyerjes para se t’i kërkosh dikujt të dalë ekskluzivisht me ty. Nuk duhet të kërkosh të jesh ekskluziv sepse je tepër i/e shqetësuar, i/e pasigurt, apo xheloz/e. Nëse ke këto ndjenja të forta, mund të jetë e vështirë të dish nëse po dashurohesh apo po bëhesh i/e varur dhe dëshiron të shpëtohesh.
Nderoje të vërtetën e personit tjetër.
Nuk ka përgjigje të drejta ose të gabuara këtu. Ka vetëm preferenca dhe vizione për të ardhmen. Nëse i kërkon dikujt të dalë ekskluzivisht me ty dhe ata thonë “Jo,” nuk je tradhtuar. Me të vërtetë mund të ndihesh i/e trishtuar dhe i/e zhgënjyer, por nëse e ke pasur kohën e duhur, nuk ke pse të ndihesh i/e braktisur apo me zemër të thyer… dhe nuk duhet të largohesh nga situata duke u ndjerë i/e zemëruar ose duke e përbuzur personin tjetër.
Biseda dhe rezultati i saj mund të përfundojnë me ty duke mbrojtur integritetin tënd personal dhe duke dashur veten dhe tjetrin—ose duke parë personin tjetër që shkon rrugës së tij/saj me respekt dhe dinjitet. /Korrespodenti