Kryeministri i Republikës së Kosovës, Albin Kurti është duke qëndruar në Cyrih të Zvicrës, ku po merr pjesë në konferencën ndërkombëtare “Dita e shkathtësisë së biznesit”.
Kurti ishte folës kryesor në këtë konferencë, me ç’rast prezantoi progresin dhe potencialin e Kosovës, për investim.
Gjatë fjalimit të tij, Kurti paraqiti të dhënat e indeksit të demokracisë, të cilat e paraqesin Kosovën si vendin më demokratik dhe biznes-konkurrues në Ballkanin Perëndimor.
“I nderuar t’i bashkohem konferencës ‘Business Agility Day’, për të shfaqur progresin dhe potencialin e Kosovës para 150 kompanive ndërkombëtare. Pata mundësinë të nënvizoja angazhimin tonë ndaj transformimit dhe inovacionit digjital, duke hapur rrugën për partneritete dhe rritje të reja” u shpreh Kurti.
Në kuadër të kësaj konference, Kurti u takua me përfaqësues të kompanive të ndryshme ndërkombëtare.
Honored to join @businessagilityday to showcase Kosova’s progress and potential before 150 international companies. I had the chance to highlight our commitment to digital transformation and innovation, paving the way for new partnerships and growth. pic.twitter.com/cHVrSvdQyx
— Albin Kurti (@albinkurti) October 31, 2024