Kombëtarja e Shqipërisë luan sot (e premte) në udhëtim te Moldavia në ndeshjen kualifikuese që mund t’ia sigurojë kualifikimin në Euro 2024.
Kuqezinjtë janë mysafir të Moldavisë në takimin e raundit të shtatë të vlefshëm për Grupin E të kualifikimeve për Kampionatin Evropian.
Kjo ndeshje është paraparë të zhvillohet në stadiumin “Stadionul Zimbru” me fillim nga ora 18:00.
Ekipi i drejtuar nga Sylvinho është gati për të dhënë maksimumin dhe me një rezultat pozitiv të sigurojë kualifikimin.
Shqipërisë i nevojitet vetëm një barazim për të siguruar kualifikimin në Euro 2024 dhe ndeshjet tjera nuk kanë rendësi se si përfundojnë.