Manchester City ka mbetur pas asnjë trofe për sezonin 2024/25.
Mundësia e fundit ishte të fitonin FA Cup, por të shtunën, Manchester City u mposht në finale nga Crystal Palace, me rezultat minimal 1-0.
E pas kësaj humbje, trajneri i ”qytetarëve”, Pep Guardiola ishte i zhgënjyer me rezultatin e skuadrës.
”Nuk shënuam, kështu që urime Crystal Palace për fitoren. Sot ishim më agresivë, krijuam shumë, humbëm penallti dhe shumë gjëra të tjera, por nëse nuk shënon gol nuk mund të fitosh.”, deklaroi Guardiola për BBC.