Presidenti amerikan Donald Trump ka marrë pjesë në një ceremoni nënshkrimi së bashku me princin e kurorës saudite, Mohammed bin Salman.
Sipas raportimeve të BBC-së, presidenti amerikan dhe lideri saudit janë ulur përballë njëri-tjetrit dhe kanë nënshkruar marrëveshjen e partneritetit strategjik, e cila është pasuar me duartrokitje nga të pranishmit.
Bëhet e ditur se më pas, ceremonia ka vazhduar me shkëmbimin e një sërë marrëveshjesh bilaterale mes dy vendeve.
Kujtojmë se presidenti i ShBA-së ndodhet në ndalesën e parë të një turi të madh diplomatik në Lindjen e Mesme, ndërsa më herët gjatë ditës ai bashkë me Elon Musk dhe drejtues të tjerë biznesesh kanë qenë pjesë e një dreke luksoze në Riad.
Gjatë këtij udhëtimi katërditor në Arabinë Saudite, Katar dhe Emiratet e Bashkuara Arabe, Trump shpreson të sigurojë investime me vlerë qindra miliarda dollarë në ShBA.