Qytetarët e revoltuar në Maqedoninë e Veriut kanë shkatërruar një kafene nën pronësinë e të njëjtit person që zotëronte edhe diskotekën “Puls” ku humbën jetën 59 persona.
Pas tragjedisë së ndodhur një ditë më parë, qytetarët u mblodhën këtë të hënë në qendër të Koçanit për të nderuar viktimat, por edhe për të kërkuar drejtësi.
Protesta e tyre nisi në mënyrë paqësore, në vijim ata u drejtuan drejt bashkisë së qytetit ku kanë goditur me vezë godinën.
Më pas një grup njerëzish shkuan në rrugën Dimitra Vlahovića dhe shkatërruan një ndërtesë në pronësi të një DJ, i njëjti njeri që ka në pronësi edhe “diskon e vdekjes”, ku humbën jetë 59 persona.
Qytetarët fillimisht kanë gjuajtur me gurë kafenenë, e më pas kanë goditur me shqelma gjithçka që u doli para. Ajo që bën përshtypje, është se ndonëse policia ishte e pranishme, nuk ka ndërhyrë. Kujtojmë se ngjarja e rëndë u shënua në orën 3:00 të mëngjesit të 16 marsit. Flakët dyshohet të jenë shkaktuar nga fishekzjarrët e hedhura në skenë ndërkohë që performonte banda muzikore DNK. 59 persona nuk arritën të mbijetonin ndërsa 155 të tjerë kanë pësuar lëndime. Gjithashtu ministri i punëve të brendshme Pançe Toshkovski njoftoi se për këtë ngjarje janë rreth 20 të dyshuar, ndërsa diskoteka pa pasur leje të falsifikuar.