E dërguara e posaçme e Mbretërisë së Bashkuar për Ballkanin Perëndimor, Dame Karen Pierce, ka zhvilluar një bisedë telefonike me kryeministrin e Kosovës, Albin Kurti.
Gjatë bisedës, Pierce përcolli urimet e Qeverisë britanike dhe të kryeministrit Andy Burnham për zgjedhjen e presidentes dhe funksionalizimin e plotë të institucioneve të Kosovës.
Sipas njoftimit të Zyrës së Kryeministrisë, Pierce shprehu përkrahjen e vazhdueshme të Mbretërisë së Bashkuar për Kosovën, përparimin demokratik dhe proceset e saj politike e zhvillimore.
Ndërkaq, Kurti e falënderoi të dërguarën e posaçme për urimet dhe shprehu gatishmërinë për vazhdimin e bashkëpunimit me Qeverinë britanike, me synimin e krijimit të partneriteteve të reja strategjike.