Sekretari i Përgjithshëm i NATO-s Mark Rutte tha në një konferencë për shtyp në Bruksel se lufta në Ukrainë nuk është vetëm një konflikt evropian, por një kërcënim global edhe nga aleatët autoritarë të Rusisë, duke përfshirë Kinën, Korenë e Veriut dhe Iranin.
“Le të mos jemi naiv për Rusinë. Ky nuk është vetëm një konflikt evropian, por një çështje globale, sepse Kina, Koreja e Veriut dhe Irani po mbështesin përpjekjet ruse të luftës, sulmet ndaj Ukrainës”, tha Rutte.
NATO Secretary General Mark Rutte:
"Let's not be naive about Russia. Nobody is naive about Russia… This is not only a European conflict, but with China and North Korea and Iran being involved here, supporting Russia's war effort, its onslaught on Ukraine, that it is really a… pic.twitter.com/oQWkdHJy6P
— Anton Gerashchenko (@Gerashchenko_en) April 4, 2025
“Xi po e ndjek nga afër luftën, ai është i interesuar se kush do të fitojë në fund”
Rutte shtoi se rezultati i atij konflikti po monitorohet nga afër nga presidenti kinez Xi Jinping – jo vetëm për shkak të Ukrainës, por edhe për shkak të ambicieve të tij territoriale, përcjell Telegrafi.
“Siç thashë më parë, është një person kyç që po i shikon nga afër të gjitha këto. Ky është sekretari i parë i Partisë Komuniste të Kinës, Xi Jinping. Dhe ai dëshiron të dijë se kush do të fitojë në fund. A do të jetë Perëndimi apo Rusia? Nëse Rusia fiton, kjo do t’i japë atij ide se çfarë mund të bëjë në rajonin e tij – sepse ai gjithashtu ka pretendime territoriale.”
Lufta tregtare destabilizon më tej skenën botërore
Ndryshe, deklarata e Rutte vjen në një kohë të paqëndrueshmërisë globale në rritje.
Pak ditë më parë, presidenti amerikan Donald Trump vendosi tarifa të reja dhe Kina u kundërpërgjigj menjëherë me kundërmasa.
Pasojat po ndihen tashmë në tregje: FTSE 100 në Londër ra me gati 5%, dhe indekset kryesore të bursës amerikane Dow Jones, S&P 500 dhe Nasdaq shënuan humbje.
Analistët paralajmërojnë se kombinimi i përshkallëzimit të luftës tregtare dhe pasigurisë për rezultatin e luftës në Ukrainë mund të dobësojë më tej rendin global dhe të inkurajojë regjimet autoritare të bëjnë lëvizje të reja.