Teuta Kaso, nëna e Rigels Kasos, 42-vjeçarit u plagos rëndë nga një person dhe më pas humbi jetën në spitalin e Traumës në Tiranë, është gjetur e pajetë në banesën e saj në Bilisht.
Sipas të dhënave paraprake, 66-vjeçarja dyshohet se është vetëhelmuar dhe rezultatet e ekspertizës mjekoligjore pritet të zbardhin më tepër detaje.
Një vit më parë, djali i saj Rigelsi u dhunua barbarisht nga një 34-vjeçar dibran për shkak të mesazheve që ai i kishte dërguar bashkëshortes së tij. Pasi ka lexuar këto mesazhe, Gjeleshi nga profili i bashkëjetueses e ka ftuar 42 vjeçarin për t’u takuar pranë pallatit ku jetonte, në rrugën “Sokrat Miho”. Duke menduar se do të takonte gruan me të cilën po fliste në rrjetet sociale ai shkoi në adresën e dhënë ku u përball me bashkëjetuesin e saj, i cili e dhunoi me grushte.
Ngjarja ndodhi pak pas mesnatës më datën 15 korrik dhe ai u gjet nga kalimtarët në mëngjes të cilët njoftuan ambulancën. Nga verifikimet e kryera rezulton se 42-vjeçari ka qëndruar në Tiranë 3 ditë para se të ndodhte ngjarja.
Për shkak të dëmtimeve të marra, Kaso nuk mundi të mbijetonte dhe ndërroi jetë në spital.