Marrëveshja ekonomike që pritet të nënshkruhet mes SHBA-së dhe Mbretërisë së Bashkuar ka “acaruar” Bashkimin Evropian.
Presidentja e Komisionit Evropian, Ursula von der Leyen, kishte paralajmëruar se ekonomia botërore “do të vuajë” nga tarifat e vendosura prej presidentit Donald Trump.
Tani, parashikohet që marrëveshja SHBA-MB mund të ndajë trajtimin e Trumpit për Londrën dhe Brukselin.
Madje, ekspertët pohojnë se BE-ja mund të ndërmarrë kundërmasa, nëse dështojnë përpjekjet e Unionit për të arritur një marrëveshje.
Ministri i Ndërmarrjes i Irlandës, Peter Burke, i tha BBC-së se do të jetë “shumë sfiduese” për BE-në të arrijë një marrëveshje para afatit të korrikut.