Instituti Hidrometeorologjik i Kosovës ka paralajmëruar se në javën e ardhshme parashihet të ketë reshje bore, derisa temperaturat pritet të bien deri në minus gradë celsius.
Sipas IHMK-së, e hëna do të jetë ditë e vranët, e temperaturat minimale do të lëvizin ndërmjet -2 deri në 1 gradë, ndërsa ato maksimalet ndërmjet 5-8 gradë. Të martën parashihet të ketë ngritje të lehtë të temperaturave.
Mëngjesi parashihet të jetë me ngrica të dobëta dhe në vende me lartësi mjegull. Temperaturat minimale do të lëvizin ndërmjet -1 deri në 0 gradë, e maksimalet 6-9 gradë.
Parashikimi i Motit për pesë ditë (11-15 dhjetor 2023)
Java e ardhshme fillon me kushte të qëndrueshme meteorologjike, por ndryshimet fillojnë nga dita e enjte.
E hëne – Mot kryesisht i vranët. Temperaturat minimale do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 5-8 gradë Celsius.
E marte – Mot kryesisht i vranët por me rritje të lehta të temperaturave maksimale. Mëngjesi parashihet të jetë me ngrica të dobëta. Nëpër lugina dhe në vende me lartesi parashihet mjegull. Temperaturat minimale do të lëvizin ndërmjet -1 deri 0 gradë Celsius, ndërsa maksimalet e ditës parashihen të lëvizin ndërmjet 6-9 gradë Celsius.
E mërkurë – Do të mbajë mot i vranët dhe me intervale të shkurta me diell. Temperaturat minimale do të lëvizin ndërmjet 0-3 gradë Celsius, ndërsa, maksimalet e ditës parashihen të lëvizin ndërmjet 7-11 gradë Celsius.
E enjte – Mot kryesisht i vranët dhe me reshje shiu, ndersa në viset e larta reshje bore. Temperaturat minimale do të lëvizin ndërmjet 2 deri në 6 gradë Celsius, ndërsa maksimalet e ditës parashihen të lëvizin ndërmjet 7-12 gradë Celsius.
E premte – Të premten parashihet të mbajë mot kryesisht i vranët dhe me riga shiu, në viset e larta fjolla bore. Në orët e para parashihet të ketë mjegull të lehtë deri të dendur. Temperaturat minimale do të ulën deri 0 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius.
Vikendi parashihet me rënje të temperaturave në të dy vlerat ekstreme.
Gjatë këtyre pesë ditëve të parashikimit do të fryjë erë nga drejtimi i jugperendimit dhe veriperendimit me shpejtësi 1-9m/s.