Izraelit po i mbarojnë raketat mbrojtëse Arrow, duke ngritur shqetësim në lidhje me aftësinë e vendit për t’iu kundërvënë raketave balistike me rreze të gjatë veprimi nga Irani nëse konflikti nuk zgjidhet së shpejti.
Lajmi u bë i ditur nga gazeta Wall Street Journal, duke cituar një zyrtar amerikan.
SHBA-të kanë qenë të vetëdijshme për problemet e kapacitetit për muaj të tërë, tha zyrtari, dhe Washington-i ka qenë duke rritur mbrojtjen e Izraelit me sisteme në tokë, në det dhe në ajër.
Që nga përshkallëzimi i konfliktit në qershor, Pentagoni ka dërguar më shumë asete të mbrojtjes nga raketat në rajon, dhe tani ka shqetësime se SHBA-të po i djegin edhe raketat.
“As SHBA-të dhe as izraelitët nuk mund të vazhdojnë të qëndrojnë ulur dhe të interceptojnë raketa gjatë gjithë ditës”, tha Tom Karako, drejtor i Projektit të Mbrojtjes nga Raketat në Qendrën për Studime Strategjike dhe Ndërkombëtare.
Forcat Mbrojtëse të Izraelit thanë në një deklaratë: “IDF-ja është e përgatitur dhe gati për t’u përballur me çdo skenar. Fatkeqësisht, ne nuk jemi në gjendje të komentojmë për çështje që lidhen me municionet”.