Gjykata Ndërkombëtare Penale (ICC) ka kritikuar vendimin e Hungarisë për të kundërshtuar urdhrin e saj të arrestit për kryeministrin izraelit Netanyahu për krime lufte në Gaza.Hungaria mund të tërhiqet nga GJNP (ICC) këtë javë pasi kryeministri izraelit pritet të nis një vizitë katër-ditore të enjten.
Zëdhënësi i gjykatës, Fadi El Abdallah, tha se nuk u takon palëve në ICC “të përcaktojnë në mënyrë të njëanshme drejtësinë e vendimeve ligjore të Gjykatës”.
Shtetet pjesëmarrëse kanë detyrimin të zbatojnë vendimet e gjykatës, shtoi El Ebdallah.“Çdo mosmarrëveshje në lidhje me funksionet gjyqësore të Gjykatës do të zgjidhet me vendim të Gjykatës”, tha El Abdallah.
Presidenti i Hungarisë Viktor Orbán shihet si një pionier i disa prej të njëjtave taktika që Netanyahu është akuzuar se ka përdorur në Izrael: nënshtrimin e gjyqësorit, antagonizmin ndaj Bashkimit Evropian dhe goditjen e shoqërisë civile dhe grupeve të të drejtave të njeriut.
Vitin e kaluar, ICC lëshoi një urdhër arresti për Netanyahun dhe ministrin e tij të atëhershëm të Mbrojtjes Yoav Gallant për krime të dyshuara lufte gjatë sulmit në Gaza.
Duke qenë se Hungaria është një nënshkruese e ICC-së, vendet pritet të arrestojnë ata me urdhër që hyjnë në territorin e tyre.
Megjithatë, presidenti hungarez Viktor Orban njoftoi vitin e kaluar se ai refuzoi urdhër-arrestin e Netanyahut dhe e ftoi atë të vizitojë Budapestin.