Ambasadori i SHBA-së, Jeff Hovenier, në bashkëbisedimin e tij me gazetarë, e ka bërë të qartë se SHBA-ja gjithmonë ka qenë me popullin e Kosovës, është aktualisht dhe se do të mbetet gjithmonë.
“Unë dua të them diçka që kam thënë më parë, Shtetet e Bashkuara janë të përkushtuara më shumë se kurrë ndaj popullit të Kosovës. Ne kemi qenë me popullin e Kosovës që nga fillimi, jemi me popullin e Kosovës tani. Dhe ne do të jemi me popullin e Kosovës. Tani jemi me ta, siç thashë, në kontekstin e vizionit tonë, të cilin besojmë se është i ndarë në Deklaratën e Pavarësisë dhe Kushtetutën e këtij vendi, të një shteti sovran, demokratik, multietnik në të cilin të gjithë qytetarët jetojnë në kushte paqeje dhe sigurie. Kështu mbetet. Dhe kështu, dhe ne nuk do të tërhiqemi nga ai angazhim apo partneritet ndaj njerëzve”, tha Hovenier.
Ai tha se kjo nuk nënkupton që çdo qeveri mund të marrë përkrahjen amerikane për secilën zgjedhje që bën.
“Siç e kam thënë edhe më parë, edhe pse kjo nuk do të thotë se çdo qeveri e Kosovës do të ketë mbështetje për zgjedhjet që ata bëjnë, në masën që zgjedhjet e tyre përputhen me atë vizion, ne do t’i mbështesim ato. Në masën që ne besojmë se këto zgjedhje i ulin ose i pengojnë ato objektiva, ne do të jemi kritikë.
Specifikat se si do të ndodhë kjo dhe çfarë saktësisht do të bëjmë. Siç e kam thënë disa herë, nuk është koha për të hyrë në ato specifika, mund të flas vetëm për faktin se një partneritet i degraduar ka pasoja dhe implikime”, tha Hovenier. /atvlive.tv
