Republika e Kenias sot ka njohur zyrtarisht Kosovën si shtet të pavarur dhe sovran. Lajmi u bë i ditur nga ish-presidenti i Kosovës, Behgjet Pacolli, i cili me kontributin e tij edhe e solli këtë njohje.
Mirëpo me këtë nuk po pajtohet Ministrja e Punëve të Jashtme dhe Diasporës, Donika Gërvalla.Ajo u shpreh se ishte ajo dhe presidentja Osmani që u takuan me ish-presidentin e Kenias në vitin 2021 ku tha se në takim ka parë rrugën graduale drejt njohjes reciproke.
Postimi i plotë:
Mirëpresim vendimin e Republikës së Kenias për të njohur zyrtarisht Republikën e Kosovës, një lajm i rëndësishëm që thekson përparimin dhe forcimin e pozitës sonë në skenën ndërkombëtare dhe në kontinentin afrikan.
Nga takimi i parë që kemi pasur në vitin 2021 bashkë me Presidenten Vjosa Osmani me ish-Presidentin Uhuru Kenyatta, kemi parë rrugën graduale drejt njohjes reciproke.
Mezi presim ndërtimin e marrëdhënieve të mirëfillta diplomatike me Republikën e Kenias dhe fillimin e bashkëpunimit mes dy shteteve tona në fusha të ndryshme.