Kryetarja e Bashkimit Social Demokrat (SDU), Duda Balje nuk e ka konfirmuar që do ta mbështesë Lëvizjen Vetëendosje në formimin e Qeverisë, pas një takimi që pati mëngjesin e së enjtes me kryeministrin Albin Kurti.
Balje pra mediave ka thënë se nuk dha asnjë konfirmim ndaj Kurtit.
Konfirmim, ajo u shpreh se nuk mori as sa i përket kërkesave që ka si ajo për Komunën e boshnjakëve e reformën në arsim.
“Sot kemi pasë takimin e parë, edhe në fakt unë dola para kryeministrit me dia kërkesa që si boshnjakë i kemi. Nuk kemi marrë asnjë konfirmim dhe nuk kemi japë asnjë konfirmim. Tash për tash jemi në fzë të bisedimeve. Për kërkesa unë fola disa herë është komuna e boshnjakëve, reforma në arsim edhe trajtimi i barabartë me krejt deputetët” – ka thënë Balje, transmeton Nacionale.
Tutje, ajo ka thënë se kushet janë të njëjta edhe për partitë tjera.
“Ne jemi pjesë e Kuvendit, kemi të drejtë me folë me secilin. Edhe ata kanë me pa, me mendu, jemi duke pritë takimin e radhës. Kemi kushte të njëjta edhe për partitë tjera.
Varet prej bisedave deri më 15” – tha ajo.