Kadetët e gjeneratës së 62-të të Policisë së Kosovës sot kanë nënshkruar kontratat e punës.
“Më 4 prill 2025, në ambientet e Policisë së Kosovës, pas përfundimit të të gjitha fazave të testimeve, u bë nënshkrimi i kontratave për marrëdhënie pune për kadetë policorë, më saktë për gjeneratën e 62-të të PK-së”, njoftoi policia. Policia e Kosovës tha se kjo gjeneratë pritet që trajnimin themelor ta fillojë më 07.04.2025 në përbërje prej gjithsej 289 kadetë policorë, duke përfshirë diversitetin multietnik.
