2 eurot false tashmë janë bërë problem i madh kombëtar. Qytetarët po përballen përditë me të.
“Sa herë po pagujë me dy euro pom doket vetja njëfar krimineli” – tha studiuesi Agron Demi.
Një fenomen i ri është se shumë biznese ndërruan përnjëherë qasje: edhe pse i merrnin edhe falset, tash s’po i marrin as origjinalet. Çka duhet të bëni ju si qytetar?
Mos-pranimi i 2-eurove nga bizneset është i kundërligjshëm. Banka Qendrore e Kosovës tashmë ka treguar se asnjë biznes nuk ka të drejtë të refuzojë 2-eurot.
“Asnjë autoritet tjetër nuk mund të vendos për ndalimin ose lejimin e asnjë instrumenti të ligjshëm të pagesave,” – ka thënë njoftimi i BQK-së.
Prandaj, secili qytetar që përballet me një situatë të tillë të sikletshme – kur nuk ia marrin 2-eurot – duhet ta thërras menjëherë Inspektoriatin.
Imagjinoni sikur qytetari që kishte kursyer qindra 2-euro duke mos pirë duhanin përnjëherë ta merrte vesh se 2-eurot nuk po pranohen?
Pra, askush nuk ka kurrfarë të drejte që të refuzojë 2-eurot nga ju. Kjo është njësoj sikur të ju vjedhin ndër sy para prej jush.
Dhe krejt çka duhet të bëni, është një thirrje telefonike.
