Ka vdekur në moshën 68-vjeçare doktoresha Drita Mekuli, ka njoftuar Oda e Mjekëve të Kosovës të enjten pasdite.
Mekuli përfundoi studimet për Mjekësi të Përgjithshme në Fakultetin e Mjekësisë në Universitetin e Prishtinës më 1982. Në vitin 1990 e përfundoi specializimin në degën e Mjekësisë Interne në Fakultetin e Mjekësisë në Universitetin e Prishtinës, ndërsa subspecializimin për Mjekësi Interne-Endokrinologji e përfundoi në vitin 2018.
Mekuli ishte drejtoreshë e Klinikës së Endokrinologjisë në vitin 2017 dhe u shërbeu qytetarëve të Kosovës si specialiste e Endokrinologjisë për vite me radhë.