Pas betejës së gjatë me sëmundjen e kancerit ka ndërruar jetë infermierja Fitore Zenelaj nga Suhareka.
E ndjera ka ndërruar jetë gjatë trajtimit në Francë. Ditë më parë ajo kishte njoftuar për betejën me sëmundjen e kancerit, shkruan gazeta online Reporteri.net.
“I dashur kancer, e jotja është të më shpallësh luftë, e imja të fitoj”.
Jeta nuk është e lehtë për asnjë nga ne. Edhe? Ne duhet të kemi këmbëngulje dhe mbi të gjitha besim në veten tonë.
Fisnike dhe e madhe. E guximshme dhe e vendosur.
Besnike dhe e patrembur. Kjo është ajo që jam dhe që kam qenë gjithmonë. Dhe dijeni që mund të ndryshojë jetën, sepse vetëdijësimi për këtë gjë, mbart një besim që nuk mund të dyfishohet në ndonjë mënyrë tjetër. – Kjo jam unë!”, shkruante ndër të tjera ajo.
Për ditën dhe orën e ceremonisë mortore familja ka bërë të ditur se do të lëshojë një njoftim.
“Të nderuar familjar, miq, shokë, dashamirë, me dhimbje dhe pikëllim të madh, ju njoftojmë se më e dashura jonë Fitore Zenelaj pas një sëmundje të rënde ka ndërruar jetë gjatë trajtimit në Francë, me datë 13.11.2023”, thuhet në njoftimin e familjes.
Fitore Zeneli ishte një nga zërat më të fuqishëm për vetëdijesimin mbi luftën ndaj kancerit.
