Një stuhi e fortë diellore po i afrohet Tokës dhe pritet të shkaktojë shfaqje të rralla të dritave veriore (aurora) mbrëmjen e sotme dhe orët e para të së martës, edhe në zona ku zakonisht nuk shihen.
Sipas Qendrës për Parashikimin e Motit Hapësinor (SWPC), bëhet fjalë për një stuhi rrezatimi të nivelit S4 nga 5, më e forta e këtij lloji në mbi 20 vite.
Efektet kryesore mund të prekin satelitët, GPS-in dhe komunikimet ajrore, por nuk priten probleme serioze për qytetarët.
Autoritetet kanë njoftuar linjat ajrore, NASA-n dhe operatorët e energjisë për të marrë masa paraprake.
Astronautët në hapësirë janë këshilluar të qëndrojnë në zona më të mbrojtura.
Aurorat mund të jenë të dukshme në pjesën veriore të SHBA-së dhe deri më në jug se zakonisht, nëse kushtet e motit e lejojnë.
Ekspertët thonë se fenomeni mund të zgjasë me ndërprerje të shkurtra gjatë natës.