Rrëzimi i mocionit në rastin e Thaçit dhe të tjerëve, ishte temë kryesore që u trajtua sot në emisionin Kosova Today në Klan Kosova.
Gazetari Milaim Zeka, tha se njeriu duhet të jetë shumë idiot dhe shumë i paditur me pritë një vendim prej një gjykate raciste.
“Prej një gjykate e cila nuk e lejon Hashim Thaçin të marrë pjesë në varrimin e babait të tij, që nuk lejon Jakup Krasniqi, i cili po ashtu ka pasur rast vdekje, që nuk lejon Nasim Haradinajn, edhe pse ka qenë i dënuar në varrimin e Agron Haradinajt. Ky trup gjykues po i trajton në mënyrë çnjerëzore këta njerëz”, tha Zeka në Klan Kosova.