Ish-punonjësi i Yahoo-së, Stein-Erik Solberg, vrau nënën dhe më pas kreu vetëvrasje – ndoshta rasti i parë i regjistruar i një personi me probleme mendore që kryen vrasje nën ndikimin e inteligjencës artificiale.
Burri 56-vjeçar jetonte me nënën pas shkurorëzimit me bashkëshorten dhe një tentative vetëvrasjeje ndërsa vuante nga paranoja.
Ai fliste rregullisht me ChatGPT-në e OpenAI-t, të cilin e quante “Bobby”, raporton The Wall Street Journal.
Chatboti e mbështeste dhe i thoshte se nuk ishte i çmendur. Veçanërisht, AI-ja binte dakord me pretendimet e Solbergut se nëna e tij mund të ishte pjesë e një konspiracioni me shërbimet e inteligjencës dhe se printeri i tyre mund të përmbante një pajisje përgjimi.
Pak para vrasjes, shkruan WSJ, Solberg e pyeti “Bobby” nëse do të takoheshin pas vdekjes dhe chatboti iu përgjigj pozitivisht.
OpenAI i tha gazetës se ishte “thellësisht i tronditur nga ky ngjarje tragjike”, është në kontakt me policinë dhe theksoi se chatboti e kishte nxitur burrin të kërkonte ndihmë profesionale.
Trupat e Solbergut dhe nënës së tij u gjetën në fillim të gushtit në shtëpinë e tyre në Old Greenwich, SHBA.
Në fund të gushtit, OpenAI deklaroi se “ne po vazhdojmë të përmirësojmë mënyrën se si modelet tona zbulojnë dhe reagojnë ndaj shenjave të shqetësimit psikologjik dhe emocional, dhe të ndihmojnë njerëzit të marrin mbështetjen që u nevojitet”.