Një 41-vjeçar ka humbur jetën si pasojë e plagëve nga arma e zjarrit në një ngjarje të ndodhur mbrëmjen e së hënës në Hajvali. Viktima është dërguar pa shenja jete në Qendrën Klinike Universitare të Kosovës.
Drejtori i Klinikës Emergjente, Naser Syla, ka konfirmuar për mediat se viktima kishte plagë të shkaktuara nga arma e zjarrit.
“Në QKUK ka ardhur i vdekur me plagë nga arma e zjarrit,” ka deklaruar Syla.
Sipas burimeve të Gazetës Sinjali, i dyshuari për këtë vrasje është identifikuar, por ndodhet ende në arrati.
Policia e Kosovës nuk e ka konfirmuar zyrtarisht rastin deri në momentin e publikimit të këtij lajmi.