Gjatë ditës së sotme është raportuar se një person i moshës 61 vjeçare ka ndërruar jetë në një motel në Ferizaj.
Këtë për Indeksonline e ka konfirmuar edhe zëdhënësi i Policisë në Ferizaj Kanun Veseli, sipas tij personi që ka ndërruar jetë është shtetas i Maqedonisë së Veriut.
Ndërsa ka bërë të ditur se trupi i pajetë është dërguar në Institutin e Mjekësisë Ligjore në Prishtinë për obduksion.
“Më datën 15.02.2024, rreth orës 16:35 kemi pranuar një informatë se në rrugën magjistrale Ferizaj-Prishtinë, në një motel në Ferizaj, një person, mashkull, i moshës 61 vjeçar, shtetas i Maqedonisë së Veriut është gjetur pa shenja jete, vdekja e të cilit është konfirmuar nga mjekët kujdestar. Policia ka dalë në vendin e ngjarjes, ndërsa me vendim të prokurorit kujdestar, trupi i pajetë është dërguar në Institutin e Mjekësisë Ligjore në Prishtinë për obduksion. Rasti është cilësuar ” Hetim mbi vdekjen”, tha ai.