Si pjesë e Defender Njëzetepesë, stërvitjes më të madhe vjetore të Ushtrisë amerikane, afërsisht njëqindetetëdhjetë personel nga Divizioni i njëzetetetë i Këmbësorisë i Gardës Kombëtare të Pensilvanisë së Ushtrisë amerikane do të vendosen në Kosovë për të marrë pjesë në Reagimin e Menjëhershëm Njëzetepesë krahas Forcës së Sigurisë së Kosovës.
Kjo stërvitje shënon një komponent kritik të përpjekjeve të Ushtrisë amerikane për të rritur gatishmërinë, për të demonstruar aftësi të shpejta të vendosjes strategjike dhe për të përforcuar bashkëpunimin me aleatët dhe partnerët e NATO-s, njofton Ambasada amerikane në Prishtinë.
I planifikuar nga njëzetegjashtë maji deri më nëntë qershor, Reagimi i Menjëhershëm Njëzetepesë është një nga tri ngjarjet kryesore të trajnimit Defender Njëzetepesë dhe përfshin mbi dymbëdhjetmijë trupa nga Shtetet e Bashkuara të Amerikës, aleatët dhe vendet partnere. Aktivitetet përfshijnë tetë vende: Kosova, Shqipëria, Bullgaria, Kroacia, Greqia, Mali i Zi, Maqedonia e Veriut dhe Sllovakia.
Në Kosovë, Divizioni i njëzetetetë i Këmbësorisë dhe FSK-ja do të marrin pjesë në Reagimin e Menjëhershëm njëzetepesë si shtab i divizionit që mbikëqyr një brigadë shumëkombëshe.