Një ngjarje tragjike ndodhi sot në orën 12:32, në rrugën “Ibrahim Rugova” në Gjilan, ku brenda një kafeneje dy të shtënat çuan në vrasjen e dy personave dhe plagosjen e dy të tjerëve.
Sipas burimeve të Insajderit, viktimat janë babë e bir, Selami Hasani dhe Edmond Hasani, të njohur si argjendarë në Gjilan, dhe dyshohet se u vranë nga njerëz të përfshirë në fajde.
Fotografia e personit të vrarë, Edmond Hasani.
I dyshuari për vrasjen është Mefail Shkodra, i cili aktualisht është në arrati.
Ngjarja po hetohet nga njësitet përkatëse policore dhe Prokurori i Shtetit. Forcat e rendit janë të pranishme në vendin e ngjarjes, të bashkëpunuar me njësitet rajonale hetimore për zbardhjen e plotë të rrethanave të kësaj ngjarjeje tronditëse.