Me kërkesë për rritje page, punëtorët teknikë të Kuvendit të Kosovës kanë hyrë në grevë. Kërkesa e tyre është që paga të rritet në 550 euro.Punëtorët kanë thënë se nuk do të ndërpresin grevën derisa t’u plotësohen kërkesat e tyre.
Nazife Krasniqi, përfaqësuese e punëtoreve teknikë të Kuvendit të Kosovës, ka thënë për Ekonomia Online se kanë hyrë në grevë për shkak të pagave të ulëta, pasi për gati 3 vjet janë duke bërë kërkesa që pagat të rriten.
Sipas saj, operatori privat tashmë sa kohë nuk është duke u përgjigjur kërkesave të tyre, teksa kërkojnë që paga e tyre të jetë 550 euro.