Protestuesit izraelitë bllokuan kamionë me ndihma humanitare për në Gaza, hodhën pako ushqimore në rrugë dhe grisën thasët me grurë.
Kamionët, të cilët u ndaluan në pikën e kontrollit Tarqumiya në perëndim të Hebronit, erdhën nga Jordania dhe ishin rrugës për në Rripin e Gazës, ku njerëzit kanë nevojë të dëshpëruar për ndihmë humanitare.
Grupi që dyshohet se qëndron pas protestës tha se po protestonte kundër pengmarrësve në Gaza. Pamjet e shpërndara në mediat sociale tregojnë protestuesit duke hedhur kuti nga kamionët dhe duke shkelur mbi to.
Janë shfaqur edhe pamjet që tregojnë se kamionëve u është vënë flaka mbrëmë. Autenticiteti i këtyre regjistrimeve nuk është konfirmuar.
Israeli right wing activists blocked aid trucks which were on their way to Gaza today at the Tarqumiya crossing in the West Bank pic.twitter.com/fUd3ywuDbr
— Barak Ravid (@BarakRavid) May 13, 2024
Sipas raportimeve në mediat izraelite, protesta është organizuar nga grupi Tzav 9. Mediat shkruajnë se bëhet fjalë për një grup të krahut të djathtë që po përpiqet të ndalojë dërgimin e ndihmave humanitare në Gaza derisa të lirohen pengjet e fundit izraelitë.
Një protestues i tha agjencisë së lajmeve AFP se ajo ishte në pikën e kontrollit sepse dëgjoi se kamionë me ndihma humanitare ishin “në rrugën e tyre drejt duart e Hamasit, të cilët po përpiqen të vrasin ushtarë dhe qytetarë të tjerë izraelitë”.
Në një deklaratë të cituar nga Jerusalem Post, Tzav 9 hodhi poshtë disa nga veprimet e protestuesve.
Ndryshe, Kombet e Bashkuara (OKB) njoftuan se pengesa e qasjes në ndihmën humanitare për Rripin e Gazës është një çështje “jetë a vdekje” për palestinezët të cilët vuajnë për shkak të bombardimeve të pandërprera dhe pasigurisë ushqimore. /Telegrafi/
💔🇵🇸Aid and trucks heading to Gaza were burned at the Tarqumiya Crossing by terrorist Ben Gvirs thugs. pic.twitter.com/9989hPkdqL
— Moe (@Moet2030) May 13, 2024
Israeli settlers throwing and destroying humanitarian food supplies carried by aid trucks destined to Gaza (at the Tarqumiya checkpoint near Hebron). pic.twitter.com/g0bQjVMDJY
— Rafiq Husseini (@rafiq_husseini) May 13, 2024