Pas nxjerrjes së shumicës së rezultateve, Nezir Kraki nga Lëvizja Vetëvendosje përmes një postimi në profilin e tij në Facebook është shfaqur i lumtur pasi që ka siguruar votat për të qenë deputet në Kuvend.
Ai ka thënë se puna e tij për Kosovën do të jetë më e madhe dhe me konkrete.
‘‘Kosovë e dashun, Prita dy ditë me pasë ma shumë arsye me t’uru. Tash e tutje puna për ty do jetë edhe ma e madhe, edhe ma konkrete. Puna s’do ndalet derisa të jesh si Evropa dhe n’Evropë. Natë e ditë pa u ndal. Se e ke meritu. E kemi meritu si popull. Si popull vuajtem shumë me t’pasë shtet një ditë, me t’pasë t’lirë. URIME 17 vjetori Kosova jonë!’’, ka shkruar ai.