Ende pa u shpallur rezultati përfundimtar, Presidentja Vjosa Osmani e ka uruar Donald Trump për fitore në zgjedhjet që u mbajtën dje.
Osmani ka thënë se Shtetet e Bashkuara të Amerikës mbeten partneri i palëkundur dhe aleati i domosdoshëm i Kosovës, duke shtuar se pret të punojë me administratën e re për të thelluar aleancën, raporton Express.
Në emër të popullit të Republikës së Kosovës, i shpreh urimet tona të përzemërta @realDonaldTrump dhe @JDVance për zgjedhjen e tyre si President dhe Zëvendës President i Shteteve të Bashkuara. SHBA mbetet partneri i palëkundur dhe aleati i domosdoshëm i Kosovës. Pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lirë! 🇽🇰🇺🇸”, ka shkruar Osmani në llogarinë e saj në platformën “X”.
Ndryshe, Trump i është afruar fitores në zgjedhje, pasi ka siguruar 267 prej 270 votave të nevojshme të Kolegjit Elektoral për t’u shpallur president.
On behalf of the people of the Republic of Kosovo, I extend our heartfelt congratulations to @realDonaldTrump and @JDVance on their election as President and Vice President of the United States.
The U.S. remains Kosovo’s steadfast partner and indispensable ally. I look forward… pic.twitter.com/2xebHvoIFz
— Vjosa Osmani (@VjosaOsmaniPRKS) November 6, 2024