Tom Cruise ka hyrë në historinë e Librit të Rekordeve Botërore Guinness, pasi theu një rekord botëror gjatë xhirimeve të filmit të tij më të ri, “Mission: Impossible – The Final Reckoning”.
– Advertisement –
Sipas Guinness World Records, aktori 61-vjeçar mban tani titullin për “më shumë kërcime me parashutë nga një individ për një film”, duke realizuar plot 16 kërcime gjatë xhirimeve intensive.
“Tom nuk luan vetëm rolin e heronjve të filmave aksion ai është një hero aksioni. Përkushtimi i tij ndaj autenticitetit është i jashtëzakonshëm,” – u shpreh kryeredaktori i Guinness.
Cruise nuk kurseu asgjë për realizimin e skenave spektakolare. Ai u hodh nga një lartësi ndërsa mbante një aparat fotografik prej 50 kilogramësh të fiksuar në trup për të kapur skena ajrore nga afër.
Në një nga sekuencat më të rrezikshme, ai realizoi shkëputjen e kanalit të djegur në ajër një manovër që zakonisht i besohet vetëm profesionistëve të trajnuar ushtarakë.
Filmi, me regji nga Christopher McQuarrie, është kapitulli i tetë dhe i fundit në sagën shumëvjeçare “Mission: Impossible”, që nisi në vitin 1996.
Historia vazhdon nga “Dead Reckoning”, me Ethan Hunt (Cruise) që përballet me një armik të ri dhe një rrezik global.
Në kastin e filmit bëjnë pjesë edhe Simon Pegg, Ving Rhames, Vanessa Kirby, Hayley Atëell, Esai Morales dhe Pom Klementieff.