Kryetari i PDK’së Memli Krasniqi, ka takuar Këshillin Politik të partisë që e udhëheqë.
Krasniqi tha se gjatë këtij takimi është diskutuar për udhkryqin politik në të cilin ndodhet Kosova sot.
“…Diskutuam hapur për udhëkryqin politik ku ndodhet Kosova sot, për sfidat e mëdha socio-ekonomike, për organizimin e brendshëm të partisë para zgjedhjeve lokale, por edhe për zhvillimet në Dhomat e Specializuara në Hagë. Në një periudhë kaq të ndjeshme për vendin, ndihemi më të sigurt dhe më të vendosur kur kemi pranë një elitë të tillë politike…”, ka shkruar ai në Facebook.